8 نصائح لإجتياز إمتحانات أعمال السنه أو الـ mid-term

6:40 ص
8 نصائح لإجتياز إمتحانات أعمال السنه mid-term,midterm,exam,exams

السلام عليكم ورحمة الله
midterm زى ماعودناكم دايما متابعين معاكم ولأنكم داخلين على إمتحانات ال 
خلينا نقولكم بعض النصائح اللي هتساعدك تعدي من الإمتحانات (بالتوفيق إنشاء الله )..النصائح بالترتيب



  • 1- شوف كل حاجة "ملهاش علاقة بالمذاكرة" و بتفكر فيها، إكتبها في ورقة و بعدين إرمي الورقة دي، في الأغلب هتلاقي نفسك بشكل تلاقي بطلت تفكر في الحاجات دي و هتقدر تركز ..




  • 2-لو فضلت تذاكر 12 ساعة ورا بعض بنوعدك إنك هتقوم مش فاهم ولا فاكر أي حاجة! و دة لأن طبيعة عقلك مش هتستحمل دة .. و بالتالي ذاكر 50 دقيقة و إرتاح ربع ساعة من غير ما تحس بالذنب.




  • 3- إعرف اصلاً إنت بصري ولا سمعي ولا حركي عشان تعرف تذاكر صح .. في ناس بتفهم أكتر لما "بتشوف" المعلومة، و ناس بتفهم أكتر لما "بتسمعها" و ناس بتفهم أكتر لما تتأكد من المعلومة بنفسها ..




  • 4- إن إنت بتحط نفسك في ضغط عصبي زيادة لأن عقلك شايف إن قدامه ورق كتير جداً لازم يخلصه كل الحاجات دي فى وقت قليل ! الورق والملازم والحاجات دى كويسة بس إية لازمة إنك تجيب 4 ملخصات لنفس الحاجة لمجرد إنك تحس إنك مرتاح إن معاك كل الورق؟



  • 5- (Highlighter & Sticky Notes) وأنت بتشترى الورق اللازم للإمتحان متنساش

   عشان تكتب أهم المعلومات و تلزقها دائماً قدامك أو تعلم عليهم في الورق..



  • 6- بلاش تسأل صحابك هما ذاكروا قد إية و فاضلهم إية، لأننا بنوعدك برضوا إن دة هيتعبك و يعصبك و يحطك في ضغط زيادة ... لأنه لو قالك إنه ذاكر جزء كبير و فاضله جزء صغير، إنت هتحس إنك متأخر و كل الناس سبقتك،

اما لو قالك إنه والله لسه مبدأش هتفضل تفكر هو فعلاً لسه مبدأش ولا بيقولك كدة عشان ميعرفكش هو خلص قد إية؟ "هو أكيد بدأ



  • 7- النقطه رقم 5 مهمه جدا لأنك ببساطه مش هتقف قدام اللجنه بتقرأ فى الشيت كله من اول لاخره لانك هتنسى كل اللى إنت ذاكرته بمجرد ما تكتشف إن فى معلومه واحده بس نسيتها من الشيت



  • 8- Take It easy, It's just a midterm!



إنضم إلى مجتمع كبير من المهتمين بمجال الإلكترونيات فى الوطن العربى عن طريق :
1- الإعجاب بالصفحه : https://www.facebook.com/medo4tv
2 - الإنضمام لمجموعتنا على فيس بوك : https://www.facebook.com/groups/896138000441120/
3 - أو إضغط هنا : http://hyperurl.co/qloqto

شارك الموضوع

مواضيع ذات صلة