الأخطاء الأكثر شيوعاً في كتابة السيرة الذاتية cv

3:00 ص
أكثر الأخطاء شيوعاً في كتابة السيرة الذاتية
cv ,curriculm vitae,misstakes

أكثر الأخطاء شيوعاً في كتابة السيرة الذاتية

هنحاول نتكلم معاكم في معلومات عامة تفيد أي واحد بيحدث السيرة الذاتية الخاصة بيه او لسه أول مرة يكتبها
والمعلومات دي تخص أكتر 15 خطأ بنقع فيهم لما بنكتب السيرة الذاتية

الهدف انك تراجع السيرة الذاتية الخاصة بيك ولو كنت وقعت في الخطأ ده حاول تتلاشاه، اما لو لسه بتكتبها فخلي بالك.
قد يهمك دليل المنح الدراسيه المموله

الخطأ الأول:
زيادة حجم السيرة الذاتية عن المساحة اللي بتيح لمسئول الموارد البشرية إنه يقرأها, خصوصاً لو افترضنا ان المسئول ده بيعدي عليه من ناس كتيرة ومسموح ليه بوقت محدد لكل واحدة منهم وعشان كده بنقولك حاول دايما تختصر ومتزودش الحجم عن 3 صفحات وخلي التفاصيل للمقابلة.

الخطأ الثاني:
عموم السيرة الذاتية بتاعتك ممكن تكون مشكلة بالنسبة للشخص المسئول انه يقبلك او يرفضك, خصوصاً انه محتاج يشوف مؤهلاتك ومهاراتك اذا كانت تتوافق مع المنصب اللي انت مقدم عليه في الشركة او المؤسسة اللي هو شغال فيها وعشان كده لازم تعدل السيرة بما يناسب المنصب ده وانك تشوف ازاي مهاراتك تخدم المنصب ده بس.

الخطأ الثالث:
انعدام التفاصيل عن المهام الوظيفية لأهم الخبرات او الوظائف اللي انت شغلتها قبل كده, مهما كان نوع الخبرة أو الشغل السابق ليك من المهم جداً تكتب المهام والوصف الوظيفي لأهم الخبرات اللي عندك عشان يقدر مسئول الموارد البشرية انه يعرف مهاراتك بناءاً على شغلك وخبرتك السابقة.

الخطأ الرابع:
وجود أخطاء في قواعد اللغة سواء كانت السيرة مكتوبة بالعربي أو باللغة الانجليزية, مهم جداً انك تخلي كذا حد يقرأ السيرة بعد كتابتها ويشوف اذا كان فيها أخطاء في القواعد اللغوية ولو بتكتب بلغة أجنبية يا ريت لو تعرف توصل لحد لغته الاصلية هي اللغة دي.

الخطأ الخامس:
اتاكد من كل معلومات الاتصال اللي انت كاتبها وحاول تسيب أكتر من وسيلة يقدر الشخص المسئول عن الموارد البشرية انه يوصلك عليها, واتاكد ان امكانية وصولك بشكل دائم للوسائل دي سواء كانت رقم تليفون او ايميل.

الخطأ السادس:
كتابة بعض الوظائف او النشاطات غير المهمة او الزائدة عن الحد, بمعنى ان مع مرور السنين السيرة الذاتية بتاعتك طبيعي تزيد خانات في الوظائف او النشاطات, المشكلة دايما انك ممكن تكتب كله دون اي مراجعة اذا كان فيه حاجات تستحق تتكتب ولا لأ, راعي دايما انك تكتب المهم بس من الوظائف اللي انت شغلتها واللي يفيدك في الوظيفة اللي انت مقدم عليها

الخطأ السابع:
Problem Solver                                                                                              كتابة بعض المصطلحات زي  على اساس انها خبرات او مهارات وده طبعاً بيفقد المصداقية للسيرة الذاتية الخاصة بيك, راعي انك تكتب المهارات دي في وصف وظيفة اشتغلتها مثلاً واحتاجت منك ده مش أكتر من كده

الخطأ الثامن:
الغالب عند ناس كتيرة هو اضافة الصورة في السيرة الذاتية, وده احترافياً غلط لإن في أغلب الوظائف مش محتاج من صاحب العمل انه يتأكد شكلك عامل ازاي الا اذا كانت الوظائف محتاجة الشكل كعامل مهم زي الممثلين او العارضين

الخطأ التاسع:
كتابة عنوان في رأس اول صفحة في السيرة الذاتية بخلاف اسمك زي انك تكتب سيرة ذاتية او التقديم لوظيفة كذا وده طبعاً غلط .. العنوان الوحيد لأي سيرة ذاتية لازم يكون اسمك بس وحجم الخط أكيد يكون كبير نسبياً بالنسبة لباقي المعلومات تحته

الخطأ العاشر:
المبالغة في الديزاين الخاصة بالسيرة الذاتية واستخدام أكتر من لون, الطبيعي زي ما قلنا قبل كده ان مسئول الموارد البشرية بيعدي عليه أكتر من مجرد سيرة ذاتية في اليوم الواحد, اختلاف الوان كل واحد عن التاني أكيد هيزعجه أكتر ومش هيعرف يوصل لأهم المعلومات عندك .. حاول تكتفي بالأبيض والاسود وفي خلفية بيضاء, طبعاً الاستثناء الوحيد لمصممين الجرافيك

الخطأ الـ 11:
عدم تحديد المهارات او الخبرات او وصف الوظيفة في عناصر محددة, أحياناً بنقع في خطأ كتابة عنصر من عناصر السيرة الذاتية كقطعة كاملة بدل من تحديدها في عناصر زي وصف الوظيفة وده طبعاً بيخلي أي حد يقرأه يعدي عليه من غير تركيز, حاول تطلع بأهم كام نقطة واكتبهم في نقاط محددة.

الخطأ الـ 12:
عدم ترتيب عناصر الخبرة او المهارة ترتيب زمني عكسي بأنك تبدأ بالأحدث الأول وبعد كده تذكر الخبرات تباعاً حسب الزمن, لأن المهم دايما عند مسئول الموارد البشرية أنه يعرف أحدث حاجة كنت بتعملها لأنها أكيد هتأثر على تقديمك لأي وظيفة.

الخطأ الـ 13:
قوانين العمل اللي بتحث على المساواة في أغلب البلاد دلوقتي بتشترط على أصحاب العمل عدم اختيار الموظفين حسب العمر لأن ده في نقص لحقوقه وعشان كده كتابة تاريخ الميلاد مش ضرورة, وأكيد خبراتك ومهارات وتعليمك هما اللي هيحددوا اذا كنت مؤهل او لأ

الخطأ الـ 14:
ادراج شهادات او مراجع داخل السيرة الذاتية, تقدر تكتفي انك تكتب ملحوظة ان المراجع والشهادات دي تحت طلب صاحب العمل من غير ما تدرجها جوا السيرة بتاعتك عشان تقدر توفر مكان لمعلومات هتهمه أكتر

الخطأ الـ 15:
عدم مراجعة السيرة الذاتية مع أصدقائك أو زمايلك في العمل, نسبة مش قليلة من الناس مبتحبش تراجع السيرة الذاتية الخاص بيها لأكتر من سبب اما خوفاً من احراج او تكتم على بعض المعلومات وده أكبر خطأ .. السيرة الذاتية هي بالظبط زي رقم تليفون أو عنوانك انشرها بين شبكة علاقاتك وانتظر منهم فييد باك لأنه أكيد هيزودلك ويفيد منك, وابقى علق خرزة زرقة بعدين يا سيدي

دلوقتي حاول تشوف الـ 15 خطأ وتراجع سيرتك الذاتية كويس
بالمواصفات المقبوله عالمياTemplate موجود عليه EuroPassCV فى موقع اسمه
تقدر تحمله و تعدل عليه بياناتك من هنا: https://goo.gl/3tOLpe


Click Here
إنضم إلى مجتمع كبير من المهتمين بمجال الإلكترونيات فى الوطن العربى عن طريق :
1- الإعجاب بالصفحه : https://www.facebook.com/medo4tv
2 - الإنضمام لمجموعتنا على فيس بوك : https://www.facebook.com/groups/896138000441120/
3 - أو إضغط هنا : http://hyperurl.co/qloqto

شارك الموضوع

مواضيع ذات صلة